Ar Gripi

bed ar Faltazi

Auteur : Ar Gripi

Pa labour ar skipailh…

Goude un nav miz stummadur evit Stefan hag a vo daourummet (skrivagner – gourdoner) hag adkroget David gant e studioù er skol-veur o deus soñjet e vefe poent lakaat raktresoù all war ar stern estreget Pepper ha Carrot ha Vodou zo amañ. Setu un nebeud potriji bet tennet da-geñver an emvod diwezhañ. Bet int o klask o awen e lec’hioù droch ivez ha kejet gant un ezdaouarad bennak.

Gouzout a reot hiroc’h diwar-benn ar raktresoù a-barzh pell emichañs…

A-benn nebeut…

… adkavit Sunday en trede chabistr eus Vodou zo amañ!

Valériane Duvivier

Goude bezañ tortet etre mont da zañserez, da dresourez BT pe da furlukinez he doa graet he soñj mont gant hent an arzoù.

Goude ar bloavezh amprouiñ echuet er skol Emile Cohl ha daoust d’un ali a-du evit kenderc’hel gant ar c’hursus, dibabet he deus deskiñ ar buhezekaat 3M e SupInfoCom.

Goude-se he deus lakaet he c’hreionoù e gourc’hemenn ur gelaouenn vreizhveurat, embannerien vreizhat, ur webzin gall, Parchemins et Traverses (evit chom hep e venegiñ), koulz hag e gourc’hemenn character design c’hoarioù-video evit al letrinoù Wii ha DS.

Awenet kalz eo gant ar mojennoù gresian hag ivez ken gant romantoù moliac’h ha marvailhoù ken gant danevelloù grafek a bep seurt broioù.

Er mare-mañ ec’h embann daou rummad bannoù-treset niverel : Les Gameuz hag Ici vont les morts, homañ he deus ur stumm saoznek dindan an titl Here be voodoo hag ur strumm brezhonek… Vodou zo amañ.

Evit gouzout hiroc’h: http://valeriane.org/art/

David Revoy

1_david_revoy_photo-profileUn arzour gall eo ganet e Reims e 1981 hag e Montauban emañ o chom. Desket en deus e-unan ha sot eo gant an tresañ, al livouriezh, ar c’hizhier, an urzhiataerioù, ar sevenadur mammenn digor GNU/Linux, ar genrouedad, ar c’hoarioù-video RPG mod kozh, ar manga hag anime kozh, an arz hengounel, ar sevenadur japanat, ar moliac’h…

Goude bezañ bet 10 vloaz o labourat war e gont o sevel traoù evit an embann, ar c’helenn, ar studiooù c’hoarioù-video pe ar filmoù bevaat en deus kavet e hent gant ur raktres personel hag a vesk kement a laka birvilh ennañ; ha Pepper&Carrot eo ar raktres-se.

Pepper ha Carrot

9791094291016Setu troioù-kaer Pepper, un danvez sorserez un tamm diampart met lemm he spered, ha Carrot, he c’hazh orañjez, gwidreüs un tamm hag ur penn farsour anezhañ!
Ganet e spered David Revoy e oa posubl, betek-henn, kavout hon daou haroz war internet hepken. E brezhoneg d’an nebeutañ. Setu bremañ o zroioù-kaer war baper!
Ha diwallit, n’int ket deut o-unan: Sorserezed, ur c’hazh-nij, un aerouant-vuoc’h, hag ur bern boudoù hud c’hoazh a zo war o lerc’h.
Da lenn nemet ma n’ho peus ket aon da vezañ strobinellet!

12€ -72p. – ISBN: 979-10-94291-016

Bonjour tout le monde !

Bienvenue dans WordPress. Ceci est votre premier article. Modifiez-le ou supprimez-le, puis lancez-vous !

Fièrement propulsé par WordPress & Thème par Anders Norén

%d blogueurs aiment cette page :