Ar Gripi

bed ar Faltazi

Auteur : Stefan Carpentier

Gwalenn ar wirionez 01

Embannet e oa bet Gwalenn ar wirionez e niverenn 8 Gripi. Lennet eo aze gant an oberour e-unan. Trugarekaat a reomp Ti douar Alre evit o labour !

O ruzellañ edo an heol dija er pelloù, hag eñ o treañ war
an deñvalijenn gant e wagennoù roz ha mouk. Hir e oa bet an noz. Ar guzulierien o devoa kaset eurvezhioù o varvailhat dizehan, o cheñch penn d’ar gaoz hag o flapenniñ diwar-benn priz ar fav-roz pe divroadur an evned-suter. Hogen ar pezh a c’hoantae ar roue e oa klevet ar pezh a ouient eus Gwalenn ar Wirionez. Bet e oant an eil warlerc’h egile o kontañ rimostelloù ; kuzhiadelloù er palez, pe rouantelezhioù burzhudus, pep hini a live e brezegenn hervez e faltazi hag aked ar vodad tud. Da zisoc’h eta, un nozvezh gwenn, ur monedonea er privezioù roueel, abalamour moarvat d’an niver spontus a vannac’hoù Kafeare bet kaset d’an traoñ gant ar Barvioù Glas hag ar Blev Liv-Arc’hant. Un todion e voe a zassonas betek tarzh an deiz a-hed trepasoù ar palez, hag eñ krapat gant ar skalieroù, riklañ war an aspledoù, stirlinkat ouzh an hobregonoù, en em silañ dindan ar golc’hedoù hag ober muioc’h a drouz eget roc’hadennoù mamm ar roue a oa brudet koulskoude. War-lerc’h ar guzuliadeg ne oa ket avañsetoc’h ar roue eget an neizheur ha ret e voe dezhañ kemer krog er vazh en ur penn all evit gouzout hiroc’h.

Pepper & Carrot — Levr 2

Ur gwir avantur eo studiañ an hudouriezh e bed Hereva. Ha Pepper zo plaset mat evit en gouzout. Dre chañs e c’hall hon harozez kaout fiziañs en he mignon Carrot, ar c’hazh orañjez evit skoazellañ anezhi.

gant David Revoy

12€ – 80p. – ISBN 979-10-94291-02-3

Vodou zo amañ, chabistr 1 ha 2

vodouzoaman-golo-web

Ar Strobineller, an den divarvel a ren war ar Bayou, en deus lazhet tud Sunday p’o devoa tec’het kuit diouzh e veli. Gwriat a ra ur verc’hodenn vodou, Mojo, ur c’hompagnon bihan hag he skoazello en he c’hest d’en em zialañ. Skrapet eo Sunday avat gant Ar Re Varv War Vale, mevelien zombi ar Strobineller. Da vMojo eo neuze da adkvaout e vamm vihan. Arvarus ken-ken eo ar Bayou pa reer tregont santimetr a vent.

El levrenn-mañ emañ an daou chabistr kentañ (Lun ha Dastumad Merc’hodennoù)

12€ ISBN: 979-10-94291-00-9

Fièrement propulsé par WordPress & Thème par Anders Norén

%d blogueurs aiment cette page :